सैनामैना नगरपालिका र एसियाली विकास बैंक (ADB) वीच Urban Resilience and Livability Improvement Project अन्तर्गत सैनामैना नगरपालिका भित्रका विभिन्न विकासका परियोजनाहरु लागु गर्नका लागी सम्झौता पत्रमा आज हस्ताक्षर भएको छ।
एडिबि र सैनामैना बीच (२ अर्ब २० करोड) रकम बराबर सिंहदरवारमा सैनामैना नगरपालिकाका नगर प्रमुख फडेन्द्रप्रसाद शर्माज्यु र प्रमुख प्रशासकीय अधिकृत जनक थापाज्यु तथा अर्थ मन्त्रालयका सचिव डा.कृष्ण हरि पुस्करज्यु र एसियाली विकास बैंकका Country Director Mr. Arnaud Cauchois का वीच सम्झौता भएको छ।
एसियाली बिकास बैंकद्वारा ७ सय ५३ वटा पालिकामध्ये पोखरा महानगरपालिका, जनकपुर उपमहानगरपालिका, रुपन्देहीका सैनामैना नगरपालिका, लुम्बिनी साँस्कृतिक नगरपालिका, तिलोत्तमा नगरपालिका, देवदह नगरपालिका र सिद्धार्थ नगरपालिकाको पूर्वाधार विकास र विस्तारका लागि अनुदान सहायता तथा सहुलियतपूर्ण ऋणमा बुधबार सम्झौता भएको हो ।
अर्थ मन्त्रालय तथा शहरी विकास मन्त्रालय सिंहदरबार काठमाडौमा बुधबार औपचारिक रुपमा १ महानगरपालिका,१ उपमहानगरपालिका र ५ नगरपालिकाका प्रमुख प्रशासकीय अधिकृतले एडिबीसँग सम्झौता पत्रमा हस्ताक्षर गरेको जनाइएको छ । योसँगै विभिन्न पूर्वाधार निर्माणका काम सुरु हुने भएका छन् ।
